Matthew 9

1Yesu ya shiga jirgi ya haye ya je birninsa. 2Sai gashi, sun kawo masa wani mutum shanyayye kwance a tabarma. Da Yesu ya ga bangaskiyarsu, sai ya ce wa shanyayyen, ‘’Da, ka yi farin ciki. An gafarta maka zunuban ka.‘’

3Sai wadansu marubuta suka ce a tsakaninsu, ‘’Wannan mutum sabo yake yi.‘’ 4Yesu kuwa da yake ya san tunaninsu, yace, ‘’Don me kuke mugun tunani a zuciyarku? 5Wanne ya fi sauki, a ce, ‘An gafarta maka zunubanka,’ ko kuwa a ce, ‘Tashi ka yi tafiya’? 6Amma domin ku sani Dan mutum yana da ikon gafarta zunubai a duniya,...‘’ Sai ya ce wa shanyayyen, ‘’Tashi, ka dauki shimfidarka ka tafi gida.‘’

7Mutumin kuwa ya tashi ya tafi gida. 8Da taron suka ga haka sai suka yi mamaki, suka daukaka Allah, wanda ya ba mutane irin wannan iko. 9Da Yesu ya yi gaba, ya ga wani mutum mai suna Matiyu a zaune, yana aiki a wurin karbar haraji. Yace masa, ‘’Ka biyo ni.‘’ Ya tashi ya bi shi.

10Sa’adda kuma Yesu yake cin abinci a gida, sai ga masu karbar haraji da masu zunubi da yawa sun zo, sun zauna tare da shi da almajiransa. 11Da Farisawa suka ga haka, sai suka ce wa almajiransa, ‘’Don me malamin ku ya ke ci tare da masu karbar haraji da masu zunubi?‘’

12Amma da Yesu ya ji haka ya ce, ‘’Ai, lafiyayyu ba ruwansu da likita, sai dai marasa lafiya. 13Sai ku fahimci ma’anar wannan tukuna, ‘Ni kam, ina bukatar jinkai ba hadaya ba.’ Ba domin in kira masu adalci su tuba na zo ba, sai dai masu zunubi.

14Sai almajiran Yahaya suka zo wurinsa, suka ce, ‘’Don me mu da Farisawa mu kan yi azumi a kai a kai, amma naka almajiran ba su yi?‘’ 15Sai Yesu ya ce masu, ‘’Masu hidimar buki za su yi bakin ciki tun ango yana tare da su? Ai, lokaci yana zuwa da za a dauke masu angon. A sa’annan ne fa za su yi azumi.‘’

16Babu mutumin da zai sa sabon kyalle a kan tsohuwar tufa, domin kyallen zai yage daga tufar, har ma yagewar ta fi ta da.

17Mutane kuma ba su dura sabon ruwan inabi a tsofaffin salkuna. Idan sun yi haka, sai salkunan kuma su fashe inabin ya tsiyaye, sai salkunan su lalace. A maimakon haka, ana sa sabon inabi cikin sababbin salkuna, ta haka an tsirar da duka biyun kenan.‘’

18Yesu kuwa yana cikin yi masu magana sai ga wani shugaban jama’a ya zo ya yi masa sujada, ya ce, ‘’Yanzun nan ‘yata ta rasu, amma ka zo ka dora mata hannu, za ta rayu.‘’ 19Sai Yesu ya tashi ya bi shi tare da almajiransa.

20Sai ga kuma wata mace wadda ta yi shakaru goma sha biyu tana zubar da jini sosai, ta rabo ta bayan Yesu, ta taba gezar mayafinsa. 21Domin ta ce a ran ta, ‘’Ko da mayafinsa ma na taba, sai in warke.‘’ 22Sai Yesu ya juya, ya gan ta ya ce, ‘‘’Yata, ki karfafa. Bangaskiyarki ta warkar da ke.‘’ Nan take matar ta warke.

23Da Yesu ya isa gidan shugaban jama’ar, ya kuma ga masu busar sarewa da taro suna ta hayaniya sosai. 24Sai ya ce, ‘’Ku ba da wuri, ai, yarinyar ba matacciya take ba, barci ta ke yi.‘’ Sai suka yi masa dariyar raini.

25Sa’adda aka fitar da taron waje, ya shiga ya kama hannunta, sai kuwa yarinyar ta shi. 26Labarin kuwa ya bazu a duk yankin.

27Da Yesu ya yi gaba daga nan, sai wadansu makafi biyu suka bi shi, suna daga murya suna cewa, ‘’Ya Dan Dauda, ka ji tausayinmu.‘’ 28Da Yesu ya shiga wani gida sai makafin suka zo gareshi. Yesu ya ce masu, “Kun gaskata ina da ikon yin haka?‘’ Sai suka ce masa. ‘’I, ya Ubangiji.‘’

29Sai Yesu ya taba idanunsu, ya ce, ‘’Ya zama maku gwargwadon bangaskiyarku.‘’ 30Sai idanunsu suka bude. Amma Yesu ya umarce su kwarai, ya ce, ‘’Kada fa kowa ya ji labarin nan.‘’ 31Amma suka tafi suka yi ta baza labarinsa a duk yankin.

32Da makafin biyu suka tafi, sai aka kawo wa Yesu wani bebe mai aljani. 33Bayan da an fitar da aljanin, sai beben ya yi magana, taron kuwa suka yi mamaki, su ka ce, ‘’Kai, ba a taba ganin irin wannan a cikin Isra’ila ba!‘’ 34Amma sai Farisawa suka ce, ‘’Ai, da ikon sarkin aljanu ya ke fitar da aljanu.‘’

35Sai Yesu ya zazzaga dukan garuruwa da kauyuka, yana koyarwa a majami’unsu, yana yin bisharar mulkin Allah, yana kuma warkar da kowace irin cuta da rashin lafiya. 36Amma da ya ga taro masu yawa sai ya ji tausayinsu, domin suna shan wahala kuma sun karaya. Suna nan kamar tumaki da babu makiyayi.

37Sai ya ce wa almajiransa, ‘’Girbin yana da yawa, amma ma’aikatan kadan ne. Saboda haka sai ku yi sauri ku roki Ubangijin girbin ya turo ma’aikata cikin girbinsa.‘’

38